फोजी मेरया हो ओ , छुटिया तू आ जा फोजिया ,
सखिया छेड़दीयां हो ओ , घर कद ओणा लोभिया |
पींघा झूटदियां हो ओ , सखियाँ ता सारी फोजिया,
बंगा पुछदीयां हो ओ , घर कद ओणा फोजिया |
राती मेरया हो ओ , निद्रां नी ओंदियाँ फोजिया,
बंगा छणकदीयां हो ओ , घर कद ओणा फोजिया |
फोटो तेरिया जो हो ओ , सीने लाई सोंदी फोजिया,
छम छम रोंदिया हो ओ ,घर कद ओणा फोजिया |
मेहँदी हथडुआं दी हो ओ , उतरी नी हाली फोजिया,
नदियां भरी राहियां ओ हो , जींद जान तेरी फोजिया |
फोजी मेरया हो ओ , छुटिया तू आ जा फोजिया ||