अपणे हिमाचल अगर कुथु बी परोणे बणी की चली जा, जणांसा दा रियैक्सन कुछ ए होंदा !!

himachali paroneअपणे हिमाचल अगर कुथु बी परोणे बणी की चली जा, जणांसा दा रियैक्सन कुछ ए होंदा !!

जणांसा (Ladies)- ♥…. ओ मुइये ए कजो लेई आई !!
परोणे (Guest)- ♡ ता क्या होणा, अहां कुथु रोज इ ओणा !!बचे कचे खाई लैंदे !!

जणांसा (Ladies)– ♥ झोलुआ दिखणे बाद) आ भाल लै, सेउआं लेइ की चलियो !! मूई मैं नी खांदी इन्ना, वच्चे ता इन्ना पासे भालदे सिरु नी, “सै” (Husband) अज कल श्रीनगर हन, महीने दी दो पेटियां भेजी दिन्दे, असें ता खाई खाई थिड़ी गे !! मूई सारे रिश्तेदारां दे मजे लगे !!

परोणे (Guest)- ♥ (माहो सोचया था दपैरां दा भत्त एथु खांगे, पर ए ता सेउआं इ खांदे लगदा !! ऐ नी वे भाई चली इ पोंदी एथु ते )
अगर कोई खाली आई जाये ता उसदे जाणे ते बाद

जणांसा (Ladies)- ♥ आ भाल खाली दोड़ी आई चड़ेल, डंठलेयां साई !! ए नी की दो चार दाणे मिठयाइया दे लेइ लूं, लियाक्त ना दी ता चीज इ नी है फच्चा जो!!

हिमाचली छैल बांके पहाड़ी चुटकले

1. इकी शहरे दी कुड़िया दा ब्याह ग्रांये (गांव) च होइ जांदा ,
कुड़िया दी सस बोल्दी कि जा मही (भैंस) जो घा (घास)पाई आ,
कुड़ी जांदी, कने मही (भैंस) दे मुहें च झाग दिखदि कने बापिस आ जांदी ,
सस बोल्दी – क्या होया लाडिये ! मही (भैंस) जो घा नई पाया ?
कुड़ी बोल्दी, सासु जी – मेह (भैंस) ता अजे पतांजलि टूथपेस्ट करा दी है !!

2. तुसां कदी सोच्या ?.
हॉस्पिटल च मरीजे जो ऑप्रेसशने ते पहले बेहोश कजो करदे ?.
अगर बेहोश नी किता ता कने मरीज ऑपेरशन करना सीखी गया ता,
डॉक्टरां दा ता धंधा चोपट होइ जाणा !!

3.मुंडू – अपणी सहेली जो – तीजो च रब सुजदा मैं क्या करा ?
सहेली- करना क्या तू !! मथा टेक , पैसे चडाई जा कने अगे चलदा चल ,
और भी भक्त लग्यो लैणा च !!

4. इक गल दिखी जाये ता कि दुनिया च कोई भी इंसान शाकाहरी नी है !! सोचा जरा से कियां ?
क्योंकि दिमाग खाने दी आदत ता सारयां जो होंदी है !!